Թուրքիան պատրաստ է իր զինված ուժերը ուղարկել Ուկրաինա՝ անվտանգությունն ապահովելու համար. Թուրքիայում Ուկրայինայի դեսպան Նարիման Ջելալ

Անկարան քննարկում է իր զորքերը  Ուկրաինա ուղարկելու հարցը ՝ որպես անվտանգության երաշխիքների մաս․ հայտարարել է Թուրքիայում Ուկրաինայի դեսպան Նարիման Ջելալը։

«Մենք ողջունում ենք Թուրքիայի կողմից նման քայլերը։ Թուրքիան այն 10 երկրներից մեկն է, որը պոտենցիալ պատրաստ է ուղարկել իր զինված ուժերը»,- դիվանագետի խոսքը մեջբերել է RBC-Ukraine-ն:

Օգոստոսի 19-ին Bloomberg-ը հաղորդել էր,  մոտ 10 երկրների` ռազմական գործողությունների ավարտից հետո Ուկրաինա զորքեր ուղարկելու պատրաստակամության մասին։

Աղբյուրների փոխանցմամբ՝ ռազմական կոնտինգենտը կօգնի Ուկրաինայի զինված ուժերին ուսուցման և ամրապնդման հարցում, բայց կտեղակայվի առաջնագծից հեռու: