Սանկտ-Պետերբուրգի «Պուլկովո» օդանավակայանում շուրջ 2 ժամով հետաձգվել է ավելի քան 60 չվերթ
Ավելի քան 60 չվերթ հետաձգվել է շուրջ երկու ժամով Սանկտ-Պետերբուրգի «Պուլկովո» օդանավակայանում սահմանված սահմանափակումների պատճառով, 39 չվերթ մեկնել է պահեստային օդանավակայաններ․ հայտնում է օդանավակայանի օպերատոր «Հյուսիսային մայրաքաղաքի օդային դարպասներ» ընկերության մամուլի ծառայությունը։
Հաղորդվում է, որ «Պուլկովո» օդանավակայանն աշխատում է օդային տարածքի սահմանափակումների պայմաններում շուրջ 18 ժամ:
«Այդ ընթացքում համապատասխան գերատեսչությունների հետ համաձայնեցմամբ մենք կարողացել ենք ընդունել 65, ուղարկել 63 չվերթ և սպասարկել ավելի քան 17 հազար ուղևորի։ Պահեստային օդանավակայաններ են մեկնել 39 չվերթ, ավելի քան 60 չվերթ հետաձգվել է շուրջ 2 ժամ»,- ասվում է հաղորդագրության մեջ։
Նշվում է, որ օդանավակայանի տերմինալում իրավիճակը մնում է հանգիստ: Ուղևորները ստանում են բոլոր ծառայությունները՝ համաձայն Դաշնային ավիացիոն կանոնների: «Պուլկովո» հյուրընկալության գործակալները լրացուցիչ բաժանում են ջուր, փափուկ գորգեր, ծալովի նստատեղեր։ Երեխաների հետ ընտանիքները, տեղերի առկայության դեպքում, տեղակայված են օդանավակայանի բիզնես սրահներում:
