ԵՄ-ն կքննարկի ռուսական սառեցված ակտիվներից ստացված միջոցների օգտագործման տարբերակները․ Politico

Այս շաբաթ ԵՄ երկրները կքննարկեն Արևմուտքում սառեցված ռուսական ակտիվներից ստացված միջոցների օգտագործման հետագա քայլերը, ինչպես նաև հակառուսական պատժամիջոցների 19-րդ փաթեթը․ հաղորդել է եվրոպական Politico թերթը։

Համաձայն տեղեկության՝ օգոստոսի 31-ին կկայանա համայնքի արտաքին քաղաքականության գերատեսչությունների ղեկավարների հանդիպում: Դրա հիմնական թեման կլինի «Ռուսաստանի վրա ճնշման աճը՝ նրան զինադադար կնքել հարկադրելու համար», այսինքն՝ ապագա պատժամիջոցների փաթեթի քննարկումը, ինչպես նաև սառեցված ռուսական ակտիվներից ստացված միջոցների «օգտագործման հետագա տարբերակները»:

Եվրոպացի դիվանագետի խոսքով՝ եվրոպական երկրների պաշտպանության նախարարները օգոստոսի 28-ին և 29-ին նաև անձնական հանդիպումներ կունենան՝ Կիևին ռազմական օգնություն ցուցաբերելու և ուկրաինական ռազմական արդյունաբերությանն աջակցություն ցուցաբերելու հարցերը քննարկելու համար: Հանդիպումներին կմասնակցի եվրոպական դիվանագիտության ղեկավար Կայա Կալլասը: Politico-ն նշել է, որ պաշտոնական օրակարգում ներառված չէ Ուկրաինայի անվտանգության երաշխիքների հարցը՝ որպես հնարավոր խաղաղության համաձայնագրերի մաս, սակայն այս թեման նույնպես կարող է բարձրացվել քննարկումների ընթացքում։