Քննարկել Արցախին օգնություն տրամադրելու հարցն ու Ալիևին զգուշացնել հնարավոր պատժամիջոցների մասին․ Ադամ Շիֆի կոչը՝ ԱՄՆ նախագահին
ԱՄՆ կոնգրեսական Ադամ Շիֆը Լաչինի միջանցքի ապաշրջափակման հարցում
ԱՄՆ միջամտության անհրաժեշտության վերաբերյալ նամակ է ուղղել Միացյալ Նահանգների նախագահ
Ջո Բայդենին:
Նա ԱՄՆ նախագահին հորդորել է ուղղորդել ՄԱԿ-ում ԱՄՆ
առաքելությանը ղեկավարել ՄԱԿ-ի Անվտանգության խորհրդի բանաձևը, որով Ադրբեջանին կոչ
կանեն անհապաղ կատարել Արդարադատության միջազգային դատարանի հրամանները՝ նախատեսելով
ՄԱԿ-ի փորձագետների թիմ տեղակայել Արցախում՝ տեղեկատվություն հավաքելու և զեկույց պատրաստելու
մարդու իրավունքների և հումանիտար իրավիճակի վերաբերյալ: Նա կոչ է արել Նաև պատժել
Ադրբեջանին՝ միջազգային իրավունքի և Մարդու իրավունքների համընդհանուր հռչակագրի կոպտագույն
խախտումների համար:
«Ուղղորդել ԱՄՆ ՄԶԳ-ին (USAID) և Պաշտպանության նախարարությանը՝
գնահատելու ԱՄՆ-ի կողմից հնարավոր տարբերակներ՝ ցամաքային կամ օդային ճանապարհով օգնություն
տրամադրելու Արցախին՝ կանխելու սովի իրական սպառնալիքը և խուսափելու անմեղ քաղաքացիական
անձանց մահերից»:
Կոնգրեսաանը Ջո Բայդենին կոչ է արել նաև անձամբ զանգահարել Ալիևին
և կոչ անել վերացնել շրջափակումը։ Զգուշացնել նրան, որ կլինեն հետևանքներ, ներառյալ
պատժամիջոցների կիրառումը, վիզային սահմանափակումները և ԱՄՆ արտաքին օգնության կրճատումը,
եթե շրջափակումը շարունակվի:
