ԵՄ երկրներն ԱՄՆ-ին տեղեկացրել են Իրանի դեմ պատժամիջոցների վերականգնման գործընթացը սկսելու մտադրության մասին. Axios

Ֆրանսիայի, Գերմանիայի, Մեծ Բրիտանիայի արտաքին գործերի նախարարները, ինչպես նաև ԵՄ դիվանագիտական ​​ծառայություններն ԱՄՆ պետքարտուղար Մարկո Ռուբիոյին տեղեկացրել են Իրանի դեմ պատժամիջոցների վերականգնման գործընթացը սկսելու մտադրության մասին. հայտնել է Axios պորտալը՝ հղում անելով աղբյուրներին:

Ինչպես նշվել է, այս կերպ եվրոպական երկրներն ակնկալում են «մեծացնել տնտեսական ճնշումը» Թեհրանի վրա, ինչը «հավանաբար կհանգեցնի Իրանի կողմից պատասխան միջոցառումների»:

Ավելի վաղ Reuters գործակալությունը՝ հղում անելով աղբյուրներին, հայտնել էր, որ ԵՄ 3 երկրները կարող են օգոստոսի 28-ին սկսել Իրանի դեմ պատժամիջոցների վերականգնման գործընթացը, քանի որ Թեհրանի միջուկային ծրագրի շուրջ բանակցությունները ձախողվել են: Գործակալության տվյալներով՝ ԵՄ 3 երկրները պատրաստվում են մոտ ապագայում գրավոր տեղեկացնել ՄԱԿ-ի Անվտանգության խորհրդին իրենց որոշման մասին:

ԱՄՆ-ն և ԵՄ 3 երկրները նախկինում համաձայնել էին օգոստոսի վերջը սահմանել որպես միջուկային համաձայնագրի կնքման վերջնաժամկետ: Թեհրանը սպառնացել է դուրս գալ Միջուկային զենքի չտարածման մասին պայմանագրից, եթե վերականգնվեն ՄԱԿ-ի Անվտանգության խորհրդի կողմից 2015 թվականի համաձայնագրերով չեղարկված պատժամիջոցները։