Կոստան Ռուսաստանին մեղադրել է Ուկրաինայում ԵՄ առաքելության վրա հարձակման համար
Եվրոպական խորհրդի նախագահ Անտոնիո Կոստան Ռուսաստանին մեղադրել է Կիևում ԵՄ առաքելության շենքի վրա հարձակման համար:
X սոցիալական ցանցի իր էջում պաշտոնյան գրել է, որ ԵՄ առաքելության շենքը վնասվել է, ենթադրաբար, Ռուսաստանի զինված ուժերի կողմից «դիտավորյալ հարվածի» հետևանքով։
«ԵՄ–ն չի տրվի սպառնալիքներին: Ռուսաստանի ագրեսիան միայն ամրապնդում է մեր վճռականությունը՝ աջակցելու Ուկրաինային և նրա ժողովրդին», – գրել է Կոստան:
Նշենք, որ Ուկրաինայի ԱԳՆ–ն հայտարարություն է տարածել, որ ռուսական հարվածների հետևանքով այսօր վնասվել է Կիևում ԵՄ ներկայացուցչության գրասենյակը։
