Կիևում սգո օր է․ տասնյակ զոհեր, վիրավորներ և անհետ կորածներ կան
Օգոստոսի 28-ի լույս 29-ի գիշերը ռուսական ուժերը հրթիռային և անօդաչու հարվածներ են հասցրել Ուկրաինայի մի շարք շրջաններին, այդ թվում՝ Կիևին. գրում են ուկրաինական լրատվամիջոցները: Մայրաքաղաքում զոհվել է առնվազն 23 մարդ, որոնց թվում չորս երեխա, վիրավորների թիվը անցնում է 50-ը, իսկ ութ անձ դեռ համարվում է անհետ կորած։
Ավիահարվածների հետևանքով Կիևի տարբեր շրջաններում վնասվել են բազմաբնակարան շենքեր (5, 16 և 25 հարկանի), մասնավոր տներ, մանկապարտեզ, գրասենյակային տարածքներ, նաև Բրիտանական խորհրդի և ԵՄ առաքելության շենքերը։
Հարվածներից մեկը եղել է Կիևի մերձակայքում կառուցվող «Բայրաքթար» անօդաչուների գործարանին․ երկու խհարվածի հետևանքով արտադրական օբյեկտները լուրջ վնասվել են։ Սա վերջին վեց ամսում արդեն չորրորդ հարվածն է գործարանին։ Թուրքիայի Türkiye Gazetesi-ի տվյալներով՝ վնասները գնահատվում են միլիոնավոր դոլարներ։
Ըստ պաշտոնական տվյալների՝ հարձակման ընթացքում կիրառվել է մոտ 600 անօդաչու և ավելի քան 30 հրթիռ։ Նախագահ Վլադիմիր Զելենսկին այս հարվածը որակել է ոչ միայն Ուկրաինայի, այլև Եվրոպայի ու ԱՄՆ նախագահ Դոնալդ Թրամփի դեմ ուղղված գործողություն։
Կիևում օգոստոսի 29-ը հայտարարվել է սգո օր:
