Թաիլանդի նախկին վարչապետը ընդունել է հեռախոսազրույցի արտահոսքի պատճառով իրեն պաշտոնից ազատելու մասին դատարանի որոշումը
Թաիլանդի նախկին վարչապետ Պեյթոնտարն Շինավատրան հայտարարել է, որ ընդունում է իրեն պաշտոնից ազատելու մասին դատարանի վճիռը․ գրում է BBC–ն։
Նշենք, որ Շինավատրայի լիզաորությունները որպես երկրի վարչապետ կասեցված էին Կամբոջայի նախկին առաջնորդի հետ ունեցած հեռախոսազրույցի արտահոսքի պատճառով։ Այն տեղի էր ունեցել երկու երկրների միջև սահմանային լարվածության ֆոնին։
Արտահոսած տեսանյութում լսվում է, թե ինչպես է պաշտոնանկ արված վարչապետը Կամբոջայի նախկին առաջնորդ Հուն Սենին անվանում «քեռի» և քննադատում թաիլանդական բանակը։
Տասնյակ թաիլանդցի օրենսդիրներ դիմում են ներկայացրել երկրի Սահմանադրական դատարան՝ նրան պաշտոնանկ անելու պահանջով՝ պնդելով, որ Շինավատրան խախտել է վարչապետից ակնկալվող էթիկայի նորմերը։
Նշվում է, որ մինչև նոր ընտրության անցկացումը երկիրը կղեկավարի փոխվարչապետը:
