Եկեղեցին բոլորովին այլ կառույց է, որը պետք է ընդունեն ու հասկանան որոշ անձինք․ Կանադայի հայոց թեմի առաջնորդ
Եկեղեցու վերաբերյալ հարցեր կարելի է բարձրաձայնել, բայց դրանց լուծումը բարձրաձայնողների մոտ չէ, այլ եկեղեցում․ հայտարարել է Կանադայի հայոց թեմի առաջնորդ Տ․ Աբգար եպիոսկոպոս Հովակիմյանը։
«Լուծման ընթացակարգը հստակ է եկեղեցու համար։ Տարօրինակ է, երբ առաջարկում են նոր ընթացակարգեր եկեղեցու ներսում հարցերը կարգավորելու համար։ Դա վերջին հաշվով վերածվում է աղանդի։ Եկեղեցին բոլորովին այլ կառույց է, որը պետք է ընդունեն ու հասկանան որոշ անձինք։ Հոգնեցինք այդ խոսույթից, որը ձանձրալի և տհաճ է։ Պետք է վերջ տալ դրանց ու անցնել կառուցողական, խաղաղ ընթացքի, որի կարիքը ունի մեր ազգը»,- ասել է եպիսկոպոս Հովակիմյանը։
