KitKat արտադրող ընկերության տնօրենը հեռացվել է աշխատանքից ենթակայի հետ գաղտնի սիրային կապի մեջ լինելու պատճառով

Շվեյցարական սննդի հսկա, KitKat-ից մինչև Nesquik արտադրող Nestle ընկերությունն աշխատանքից ազատել է իր գործադիր տնօրեն Լորան Ֆրիքսին՝ ենթակայի հետ գաղտնի սիրային հարաբերությունների մեջ գտնվելու պատճառով․ գրում է CNN-ը։

Ֆրիքսը պաշտոնը ստանձնել էր ուղիղ մեկ տարի առաջ։

Նշվում է, որ սպառողական դժվարին պայմանների և ԱՄՆ առևտրային մաքսատուրքերի ֆոնին՝ սկանդալը կարող է վատ անդրադառնալ Nestle ընկերության վրա։

Nestle-ը հայտարարել է, որ անմիջական ենթակայի հետ չբացահայտված սիրային հարաբերությունների մեջ գտնվելը խախտում է ընկերության գործարար վարքագծի կանոնները։