Թաիլանդը երկու տարվա ընթացքում երրորդ վարչապետին է ընտրել
Թաիլանդի խորհրդարանը գործարար մագնատ Անուտին Չարնվիրակուլին ընտրել է երկրի վարչապետ․ գրում է BBC-ն։
Վերջին երկու տարվա ընթացքում Չարնվիրակուլը երրորդ վարչապետն է։
Պետոնգտարն Շինավատրան, որը պատկանում է Թաիլանդի ամենաազդեցիկ քաղաքական դինաստիային, անցյալ շաբաթ պաշտոնից հեռացվել է Սահմանադրական դատարանի կողմից՝ Կամբոջայի հետ սահմանային վեճի կարգավորման հետ կապված էթիկական խախտումների համար։
Չարնվիրակուլի «Բհումջայթհայ» կուսակցությունը դուրս է եկել Շինավատրայի գլխավորած «Ֆեու Թայի» կոալիցիայից և բավարար աջակցություն ստացել վարչապետի պաշտոնը նվաճելու համար։
Նշվում է, սակայն, որ անորոշության շրջանը հնարավոր է՝ դեռևս չի ավարտվել Թաիլանդի համար, որտեղ վերջերս մի քանի վարչակազմեր են տապալվել դատարանների միջամտությունների և ռազմական հեղաշրջումների պատճառով։
