Թրամփը պատրաստվում է վերանայել 1987-ի հրթիռային համաձայնագիրը՝ արտասահմանում մարտական անօդաչուներ վաճառելու համար
ԱՄՆ նախագահ Դոնալդ Թրամփը նախատեսում է փոփոխել 38 տարվա վաղեմության զենքերի վերահսկման կանոնները, որպեսզի արտասահմանում վաճառի առաջատար «Reaper» տիպի և այլ ռազմական անօդաչուներ. գրում է Reuters-ը:
Այս նոր օրենքի շնորհիվ Սաուդյան Արաբիան կարող է ստանալ ավելի քան 100 MQ-9 անօդաչուներ, ինչը կարող է ընդգրկվել 142 միլիարդ դոլարի զենքերի գործարքում: Հաղորդվում է, որ հետաքրքրություն են ցուցաբերել նաև Խաղաղօվկիանոսյան և եվրոպական երկրները:
Անօդաչուները կդասակարգվեն մարտական ինքնաթիռների նման, ոչ թե հրթիռների, ինչը թույլ կտա շրջանցել 1987-ի Հրթիռային տեխնոլոգիաների վերահսկման համաձայնագիրը (MTCR) և պարզեցնել վաճառքը՝ հատկապես ԱՄԷ-ին և Արևելյան Եվրոպային:
Այս փոփոխությամբ ԱՄՆ անօդաչուների արտադրողները, ինչպիսիք են General Atomics, Kratos և Anduril, կարող են ավելի հեշտ վաճառել իրենց արտադրանքը միջազգային շուկաներում:
Նոր կանոնները կօգնեն ԱՄՆ-ին դառնալ անօդաչու արտադրող առաջատար երկիր, առաջ անցնելով Թուրքիայից և Չինաստանից:
Սպիտակ տունը այս քայլը կներկայացնի որպես աշխատատեղերի ստեղծման և առևտրի խթանման քայլ, բայց մի շարք իրավապաշտպաններ նախազգուշացնում են, որ դա կարող է ավելի շատ բռնություն և անկայունություն բերել Մերձավոր Արևելքում ու Հարավարևելյան Ասիայում:
