Թրամփը գովաբանել է Լուկաշենկոյին
ԱՄՆ նախագահ Դոնալդ Թրամփը իր բելառուս գործընկեր Ալեքսանդր Լուկաշենկոյին անվանել է հարգված անձնավորություն և ուժեղ առաջնորդ։
«Շատ հաճելի ժեստ էր Բելառուսի ղեկավարի կողմից, ով հարգված անձնավորություն է, ուժեղ անհատականություն և առաջնորդ։ Նա ազատ է արձակել 16 պատանդի», – ասել է Թրամփը Սպիտակ տանը։
Նա իր մեկնաբանություններն արել է Մինսկի կողմից «16 պատանդների» ազատ արձակման համատեքստում՝ նկատի ունենալով բելառուսական բանտերից կալանավորներին։ Թրամփը նաև ընդգծել է փաստաբան և հատուկ դեսպանորդ Քիթ Քելլոգի օգնական Ջոն Քոուլի դերը այդ գործում։
Նախագահը հավելել է, որ Բելառուսում դեռևս կան մոտ 1400 կալանավորներ տարբեր երկրներից։ Նա հույս է հայտնել, որ նրանք ազատ կարձակվեն։
