Ֆրանսիայի վարչապետը հնարավոր է՝ պաշտոնանկ արվի 

Ֆրանսիայի վարչապետ Ֆրանսուա Բայրուն ամենյան հավանականությամբ կհեռացվի պաշտոնից անվստահության քվեարկության արդյունքում․ գրում է The Guardian-ը։

Նշվում է, որ արդյունքում ԵՄ-ի երկրորդ խոշորագույն տնտեսությունը կխրվի քաղաքական ճգնաժամի մեջ։ Ձախերից մինչև ծայրահեղ աջ ընդդիմադիր կուսակցությունները ասել են, որ քվեարկելու են 74-ամյա կենտրոնամետ քաղաքական գործչի դեմ, ինչը նշանակում է, որ նա և նրա փոքրամասնության կառավարությունը պաշտոնանկ կարվեն պաշտոնը ստանձնելուց ընդամենը ինը ամիս անց։

Եթե ամեն ինչ ընթանա նշվածի պես, նախագահ Էմանուել Մակրոնը կբախվի մեկ տարվա ընթացքում երրորդ վարչապետին նշանակելու մարտահրավերին։