Քրիստոսի ամենամեծ արձանը՝ Հատիսի գագաթին

1700 աստիճան ու ճոպանուղի, որոնք այցելուներին կհասցնեն այն բարձունք, որտեղ տեղադրված է լինելու Փրկչի արձանը։ Նախագծով նախատեսվում է Հատիս լեռան գագաթին տեղադրել պատվանդան, որի վրա կլինի արձանը, իսկ պատվանդանը կծառայի որպես թանգարան, որտեղ ներկայացված կլինի Հիսուս Քրիստոսի կյանքն ու պատմությունը։ Արձանը տեղադրվելու է նախապես պլանավորված հատվածից մի քանի մետր այն կողմ՝ հաշվի առնելով, որ այդ հատվածում հայտնաբերվել է բրոնզ-երկաթեդարյան հնավայր-ամրոց։ Նախաձեռնության հեղինակ Գագիկ Ծառուկյանի խոսքով այն նպաստելու է Հայաստանի տնտեսության աճին՝ ավելացնելով զբոսաշրջիկների թիվը։ Ըստ Ծառուկյանի՝ Հատիսի տարածքում կկառուցվեն նոր ռեստորաններ, հյուրանոցներ, որոնք ոչ միայն լավ կանդրադառնան տնտեսության վրա, այլ նաև կստեղծեն աշխատատեղեր։ Մանրամասները՝ ռեպորտաժում։