Ոսկու նկատմամբ վստահությունն աճել է ներդրողների շրջանում

Ոսկին 2025 թվականին ներդրողների ցուցակի առաջին տեղում է։ Դեղին մետաղը, որը վաղուց համարվում էր գնաճի և աշխարհաքաղաքական խռովությունների դեմ պաշտպանող միջոց, ունցիայի համար ռեկորդային բարձրակետ է գրանցել՝ գերազանցելով 3,600 դոլարը և ապահովելով գրեթե 40% տարեկան եկամտաբերություն․ գրում է Euronews-ը։

Նշվում է, որ սա ոսկու լավագույն տարին է՝ 1978 թվականից ի վեր։

Թեև համաշխարհային ֆոնդային շուկաները այս տարի դրական եկամտաբերություն են ապահովել, դրանք դեռևս զգալիորեն հետ են մնում ոսկու ցուցանիշից։ Ի հակադրություն դրա՝ պարտատոմսերը այս տարի կրկին հիասթափեցնող ցուցանիշներ են գրանցել։

Ոսկու նկատմամբ վստահության աճը կապված է քաղաքական անկայունության, ԱՄՆ Դաշնային պահուստային համակարգի անկախության վերաբերյալ կասկածների և տնտեսական ռիսկերի աճի հետ։