Էկվադորում պահանջում են նախագահի հրաժարականը․ մարդիկ ողողել են փողոցները

Էկվադորի մայրաքաղաք Կիտոյում հինգշաբթի բախումներ են տեղի ունեցել նախագահ Դանիել Նոբոայի կառավարության դեմ բողոքի ցույցերի ժամանակ․ գրում է Euronews-ը։

Ցուցարարները պահանջում են Նոբոայի հրաժարականը աշխատատեղերի և աշխատավարձերի կրճատման քաղաքականության պատճառով։

Իշխանությունները արցունքաբեր գազ են կիրառել հրապարակում հավաքված ցուցարարների դեմ։ Բախումները հանգեցրել են ցույցերի վաղաժամ ավարտին:

Նոբոայի ձեռնարկած միջոցառումները դարձել են պետական ​​հատվածում հազարավոր աշխատատեղերի կրճատումների պատճառ։

Կառավարությունը հայտարարել է, որ իր առաջնահերթությունը մնում է կազմակերպված հանցավորության դեմ պայքարը։