Ռուբիոն ժամանել է Իսրայել՝ քննարկելու Գազայի պատերազմի հարցը
ԱՄՆ պետքարտուղար Մարկո Ռուբիոն ժամանել է Իսրայել, որտեղ հանդիպում է ունենալու վարչապետ Բենյամին Նեթանյահուի հետ՝ Մերձավոր Արևելքում լարվածության աճի ֆոնին. գրում է Al Jazeera-ն:
Սա տեղի է ունենում այն ժամանակ, երբ Իսրայելը անցած շաբաթ աննախադեպ հարձակվեց Կատարի վրա։
Երկուշաբթի Դոհայում կկայանա Արաբա-իսլամական գագաթնաժողովի արտակարգ նիստ: Նույն ժամանակ, Իսրայելը շարունակում է հարձակումը Գազայի վրա:
Ռուբիոյի ուղևորությունը, որը մեկնարկել է կիրակի, տեղի է ունենում ԱՄՆ նախագահ Դոնալդ Թրամփի քննադատություններից հետո, կապված Կատարի մայրաքաղաքում ՀԱՄԱՍ-ի ղեկավարների դեմ ձախողված հարձակման հետ։
Իսրայել մեկնելուց առաջ Ռուբիոն ասել է լրագրողներին, որ Թրամփը հավանության չի արժանացրել հարձակումը, բայց դա չի փոխի ԱՄՆ-ի հարաբերությունները Իսրայելի հետ։
