Թրամփը «մեծ ուրախությամբ» ANTIFA–ն խոշոր ահաբեկչական կազմակերպություն է հայտարարել
ԱՄՆ նախագահ Դոնալդ Թրամփն աջակողմյան քաղաքական ակտիվիստ Չարլի Քըրքի սպանությունից հետո հայտնել է ձախակողմյան խմբավորումների դեմ նոր միջոցառումների մասին՝ ANTIFA շարժումն անվանելով «ահաբեկչական կազմակերպություն»։
«Մեծ ուրախությամբ տեղեկացնում եմ մեր բազմաթիվ ամերիկացի հայրենասերներին, որ ես ANTIFA–ն՝ հիվանդ, վտանգավոր, ձախակողմյան աղետը, հայտարարում եմ խոշոր ահաբեկչական կազմակերպություն», – գրել է Թրամփը TruthSocial սոցիալական մեդիահարթակում։
ԱՄՆ նախագահը հավելել է, որ «համառորեն խորհուրդ է տալիս» մանրակրկիտ հետաքննություն անցկացնել հակաֆաշիստների ֆինանսավորման աղբյուրների վերաբերյալ։
Դեռևս պարզ չէ, թե ինչ իրավական ուժ ունի Թրամփի հայտարարությունը։
