Թուրքիայի Ազգային հետախուզության ղեկավարը հանդիպել է Սիրիայի ղեկավարի հետ․ ի՞նչ է հայտնի
Թուրքիայի Ազգային հետախուզական կազմակերպության (MIT) ղեկավար Իբրահիմ Քալընը Սիրիա կատարած այցի ընթացքում հանդիպել է երկրի ժամանակավոր նախագահ Ահմեդ ալ Շաարայի հետ․ հայտնում են թուրքական լրատվամիջոցները։
Հանդիպման ընթացքում քննարկվել են երկկողմ հարաբերությունները, տարածաշրջանային անվտանգությունը, ահաբեկչական խմբավորումների դեմ պայքարը, սահմանային անվտանգությունը, տնտեսական իրավիճակը և սիրիացի փախստականների կամավոր վերադարձի հետ կապված հարցերը։
Ըստ հրապարակումների՝ Քալընը Սիրիայի կառավարությանը հնարավորինս աջակցելու պատրաստակամություն է հայտնել:
