OpenAI-ը մշակում է ChatGPT-ի մանկական տարբերակ՝ ծնողական վերահսկողությամբ

OpenAI-ը հայտարարել է ChatGPT օգտատերերի համար տարիքի ստուգման նոր համակարգի ներդրման մասին՝ կալիֆոռնիացի դեռահասի ինքնասպանությունից հետո: Այժմ 18 տարեկանից փոքր անձինք կուղղորդվեն սահմանափակ բովանդակությամբ և լրացուցիչ անվտանգության միջոցառումներով, այդ թվում՝ ծնողական վերահսկողությամբ տարբերակի․ գրում է The Guardian-ը։

Որոշ ժամանակ առաջ OpenAI-ն ընդունել էր, որ առկա անվտանգության միջոցառումները կարող են անբավարար լինել, հատկապես անչափահասների հետ երկարատև շփման ժամանակ։

OpenAI-ը հայտնել է, որ նոր ChatGPT համակարգը կորոշի օգտատիրոջ տարիքը՝ օգտագործելով տարիքային գնահատման տեխնոլոգիաներ և անհրաժեշտության դեպքում կպահանջի ինքնության ստուգում։

18 տարեկանից փոքր օգտատերերը կունենան ChatGPT-ի սահմանափակ բովանդակությամբ և լրացուցիչ անվտանգության միջոցառումներով, այդ թվում՝ ծնողական վերահսկողությամբ տարբերակի հասանելիություն: Ծնողները կկարողանան կառավարել իրենց երեխաների զրույցները, վերահսկել նրանց գործունեությունը և սահմանել սահմանափակումներ։

Համակարգը նաև կարգելափակի բացահայտ սեռական բովանդակությունը, կսահմանափակի ֆլիրտը և կարգելի ինքնասպանության կամ ինքնավնասման մասին քննարկումները: Եթե ալգորիթմները հայտնաբերեն, որ օգտատերը գտնվում է սուր սթրեսի վիճակում, OpenAI-ը կփորձի կապ հաստատել ծնողների կամ, եթե կա անմիջական վնասի սպառնալիք, իշխանությունների հետ։