Փաշինյանի դեմ հայց են ներկայացրել ոչ հայանպաստ հայտարարությունների համար
Փաստաբան Արա Զոհրաբյանն ու Արցախի փաստաբանների պալատի նախագահը
համատեղ հայց են ներկայացրել Նիկոլ Փաշինյանի դեմ։ Այս մասին այսօր մամուլի ասուլիսի
ժամանակ հայտարարել է Արա Զոհրաբյանը։ Զոհրաբյանի խոսքով՝ իրենք անընդունելի են համարում
վարչապետի դիրքորոշումը Արցախի հիմնահարցի մասով։
«Նիկոլ Փաշինյանը մի քանի անգամ հայտարարել
է, որ ճանաչում է Արցախն Ադրբեջանի կազմում։ Ոչ մի հայանպաստ հայտարարություն չի արել։
Մեզ մոտ միտք հղացավ իրավական պաշտպանության հարց բարձրացնել։ Որքանով դա արդյունավետ
կլինի, ժամանակը ցույց կտա։ Ես և Արցախի փաստաբանների պալատի նախագահ Էրիկ Բեգլարյանը
համատեղ հայց ենք ներկայացրել՝ վարչապետի գործունեությունը ոչ իրավաչափ ճանաչելու և
հետևանքների վերացման ածանցյալ պահանջի մասին»,-հայտարարել է Զոհրաբյանը։
Փաստաբանի խոսքով հայցը ներկայացվելու է Փաշինյանի
դեմ, որպեսզի վերջինս պատասխանատվության ենթարկվի իր արած ոչ հայանպաստ հայտարարությունների
համար։
