Կայացել է Ջորջիո Արմանիի ստեղծած վերջին հավաքածուի ցուցադրությունը

Կիրակի Միլանում կայացել է Giorgio Armani ապրանքանիշի գարուն/ամառ 2026 հավաքածուի ցուցադրությունը․ սա վերջին հավաքածուն էր, որի վրա իտալացի դիզայներն աշխատել էր մահից առաջ․ գրում է BBC-ն։

Ցուցադրությանը ներկա են եղել հայտնի դեմքեր՝ Քեյթ Բլանշեթը, Գլեն Քլոուզը, Ռիչարդ Գիրը։

Սկզբնապես նախատեսված լինելով որպես հանգուցյալ դիզայների նորաձևության տան 50-ամյակի տոնակատարություն՝ ցուցադրությունը վերածվել է Արմանիին հարգանքի տուրքի։

Հավաքածուն ստեղծելիս Արմանին ոգեշնչվել էր Իտալիայի հյուսիսային քաղաքներից մեկից, որտեղ նա ապրել է, և Պանտելերիա փոքրիկ հրաբխային կղզուց, որտեղ նա ուներ հանգստյան տուն։

Հիշեցնենք, որ իտալական նորաձևության արքան մահացել է սեպտեմբերի սկզբին, 91 տարեկանում։