ԵԽ պատգամավորները կոչ են անում Ադրբեջանին բացել Լաչինի միջանցքը հումանիտար օգնության համար

ԵԽ Հարավային Կովկասի հետ կապերի պատվիրակության նախագահ Մարինա
Կալյուրանդը, Հայաստանի հարցով մշտական զեկուցող Անդրեյ Կովաչևը և Ադրբեջանի հարցով
մշտական զեկուցող Ժելյանա Զովկոն հանդես են եկել ԼՂ հումանիտար իրավիճակի վերաբերյալ
համատեղ հայտարարությամբ։

Նրանք իրենց աջակցությունն են հայտնել ԵՄ ներկայացուցիչ
Ժոզեպ Բորելի 2023 թվականի հուլիսի 26-ի հայտարարությանը, ինչպես նաև Եվրոպական խորհրդի
նախագահ Շառլ Միշելի դիվանագիտական ջանքերին:

ԵԽ պաշտոնյաները դատապարտել են հումանիտար մատակարարումների շարունակական
շրջափակումը և հումանիտար հասանելիության քաղաքականացումը։ Նրանք ընդգծել են Աղդամի
միջոցով օգնություն տրամադրելու Ադրբեջանի առաջարկը կապված չէ Լաչինի միջանցքի առնչությամբ
նրա ստանձնած պարտավորությունների հետ, որոնք պետք է պահպանվեն։

«Հիշեցնում ենք, որ 2023 թվականի հունիսի 13-ին Եվրոպական խորհրդարանի
լիագումար նիստում ԵՄ բարձր ներկայացուցիչը պարտավորվել է խորհրդում բարձրացնել նման
պատժամիջոցների սահմանման հարցը։ Մենք կրկնում ենք մեր կոչը Բաքվին՝ անհապաղ դադարեցնել
շրջափակումը և հարգել միջազգային պարտավորությունները և նորմերը՝ հումանիտար աղետը
կանխելու նպատակով»,-ասված է հայտարարության մեջ: