Եվրոպայում կասկածելի անօդաչու սարքերի մասին հաղորդագրությունները կտրուկ աճել են

Վերջին մի քանի ամիսների ընթացքում Եվրոպայի օդային տարածքում անօդաչու սարքերի մասին հաղորդագրությունները կտրուկ աճել են․ նման միջադեպերի մասին հայտարարություններ են հնչել եվրոպական առնվազն 10 երկրներից․ գրում է Euronews–ը։

Լիտվան, Լատվիան, Դանիան, Նորվեգիան, Ռումինիան, Լեհաստանը, Էստոնիան, Գերմանիան և Ֆրանսիան իրենց տարածքներում անօդաչու սարքեր կամ օդային տարածքի հետ կապված այլ խափանումներ են նկատել վերջին երեք ամիսների ընթացքում։

Սեպտեմբերի 29-ին Դանիան ժամանակավորապես արգելել է բոլոր առևտրային անօդաչու սարքերի թռիչքներն ամբողջ երկրի տարածքում։ Միևնույն ժամանակ ԵՄ–ն պաշտոնապես սկսել է Ռուսաստանի հետ արևելյան սահմանի երկայնքով անօդաչու սարքերի պատնեշի կառուցումը, իսկ ՆԱՏՕ–ն հայտարարել է, որ մեծացնում է իր զգոնությունը Բալթյան երկրներում։