Հարձակվել են Էկվադորի նախագահի շարասյան վրա
Մոտ 350 ցուցարար հարձակվել է Էկվադորի նախագահ Դանիել Նոբոայի և օտարերկրյա դիվանագետների ավտոշարասյան վրա։
«Նրանք դիմադրում են Էկվադորի առաջընթացին և ընտրում են բռնությունը։ Երեկ Օտավալոյում իմ գլխավորած մարդասիրական ավտոշարասյան վրա հարձակում է տեղի ունեցել, որը ես գլխավորում էի ՄԱԿ–ի և ԵՄ պատվիրակների, Իտալիայի դեսպանի հետ միասին», – գրել է Էկվադորի նախագահ Դանիել Նոբոայը՝ սոցցանցի իր էջում։
Մեքենաների վրա քարեր և մոլոտովի կոկտեյլներ են նետել։ Ըստ լրատվամիջոցների՝ ավտոշարասյունը մարդասիրական օգնություն էր տեղափոխում։
Անկարգությունները սկսվել են 1974 թվականից գործող դիզելային վառելիքի սուբսիդիաների վերացման պատճառով։ Որոշումը հանգեցրել է կտրուկ գնաճի և բողոքի ցույցերի, երկրում համազգային գործադուլ է հայտարարվել։
