Ե՛վ Երևանը, և՛ Բաքուն արդեն հարմարվել են խաղաղ պայմաններում կյանքին․ Ալիև

Ե՛վ Երևանը, և՛ Բաքուն արդեն հարմարվել են խաղաղ պայմաններում կյանքին․ Կոպենհագենում Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա ֆոն դեր Լյայենի հետ հանդիպմանն ասել է Ադրբեջանի նախագահ Իլհամ Ալիևը:

Ինչպես գրում են ադրբեջանական լրատվամիջոցները, Ալիևն ասել է, որ ադրբեջանական կողմը կշարունակի խաղաղության օրակարգն առաջ մղելու իր ջանքերը։

Հանդիպման ընթացքում Կոշտան և Ֆոն դեր Լյայենը շնորհավորել են Ալիևին Վաշինգտոնում Հայաստանի և Ադրբեջանի միջև խաղաղության օրակարգի շուրջ ձեռք բերված հաջողությունների համար։ Նրանք նաև հույս են հայտնել, որ դա կնպաստի տարածաշրջանում երկարատև խաղաղության հաստատմանը։