Գրետա Թունբերգը կարտաքսվի Իսրայելից՝ Գազա ուղևորվող նավից կալանավորվելուց հետո

Շվեդ ակտիվիստ Գրետա Թունբերգը Իսրայելից կարտաքսվի Հունաստան՝ Գազայի հատված ուղևորվող նավի վրա կալանավորվելուց հետո․ հայտնում է թուրքական Anadolu գործակալությունը։

Ըստ գործակալության՝ ընդհանուր առմամբ կարտաքսվի 165 ակտիվիստ։

«Թունբերգը Հունաստան կժամանի այն հույն քաղաքացիների հետ միասին, որոնք նույնպես ձերբակալվել էին Իսրայելի կողմից՝ նավատորմին մասնակցելուց հետո»,- ասվում է հրապարակման մեջ։

Հոկտեմբերի 3-ի դրությամբ Իսրայելը կալանավորել էր «Ֆորտիտյուդ» նավատորմի մոտ 40 նավ, որոնք մարդասիրական առաքելությամբ ուղևորվում էին Գազայի հատված։

Կազմակերպիչների խոսքով՝ 47 նավակներից բաղկացած «Գլոբալ Սումուդ» նավատորմը տեղափոխում է ավելի քան 500 ակտիվիստ։