Բաքվի բանտում պահվող Ռուբեն Վարդանյանը հեռացել է ռուսական «Ատոմ» էլեկտրամոբիլային նախագծից

Բաքվի բանտում ապօրինի պահվող Ռուբեն Վարդանյանը, ով մի քանի տարի առաջ «Ատոմ» էլեկտրամոբիլը մշակող ընկերությունում ներդրում էր կատարել «ԿամԱԶ»-ի գլխավոր տնօրեն Սերգեյ Կոգոգինի հետ, դուրս է եկել նախագծի մասնակիցների կազմից. գրում է Интерфакс-ը: 

Նա դադարել է սեփականություն ունենալ «Վոսկոդ» ՍՊԸ-ում, որը դատարանային փաստաթղթերում նշվում է որպես «Ատոմ»-ի մշակող «ԿամԱ» ընկերության գլխավոր բաժնետերը։ 2021 թվականին առաջին ներդրողներն էին Կոգոգինը և Վարդանյանը, որոնք յուրաքանչյուրը ներդրել էր 360 մլն ռուբլի։ 2024 թվականին փոքր բաժնետեր Սերգեյ Վասինը վիճարկել էր «ԿամԱ»-ի լրացուցիչ բաժնետոմսերի թողարկումը։

Վարդանյանը իր 25%-ը փոխանցել է «Վոսկոդ»-ին՝ սկսած 2025 թվականի հոկտեմբերի 1-ից։ Այս ընկերության մյուս բաժնետերերն են Կոգոգինը (37,5%) և «Սպեկտր» ՍՊԸ-ն (37,5%), որը պատկանում է Վագան Բաբլոյանին (60%), Միխայիլ Բրոյթմանին (20%) և Ժաննա Խալիուլլինային (20%)։

«Ատոմ»-ը ներկայացվում է որպես առաջին ռուսական շարքային էլեկտրոմոբիլ՝ քաղաքային կոմպակտ  ավտոմեքենա՝ մոդուլային կառուցվածքով, որի մարտկոցի հեռավորությունը կհասնի մինչև 500 կմ։ Մեքենայի արտադրությունը նախատեսվում է իրականացնել «Մոսկվիչի» տեղամասում, և հաղորդվել է, որ արտադրությունը կարող է սկսվել արդեն այս տարի։

«Կոմերսանտ»-ի փոխանցմամբ՝ «Վոսկոդ»-ում բաժնետոմսը, ամենայն հավանականությամբ, Վարդանյանի վերջին ակտիվն էր ռուսական ավտոբիզնեսում։

2024 թվականին Վարդանյանը դադարեցրել է  մասնակցությունը «ԿամԱԶ»-ի կապիտալում՝ վաճառելով իր 15%-անոց բաժնետոմսը «ԿամԱԶ»-ի համահիմնադիր «Ավտոինվեստ» ՍՊԸ-ին՝ Դմիտրի Արտյակովին, ով ղեկավարում է «Մոդում-Տրանս» երկաթուղային օպերատորը: