Նոբելյան կոմիտեն չի կարողացել կապ հաստատել մրցանակակրի հետ, քանի որ նա «ապրում է իր լավագույն կյանքը քաղաքակրթությունից հեռու»
Նոբելյան կոմիտեն չի կարողացել կապ հաստատել բժշկության ոլորտում Նոբելյան մրցանակի դափնեկիր Ֆրեդ Ռամսդելի հետ, քանի որ նա «ապրում է իր լավագույն կյանքը քաղաքակրթությունից հեռու»․ AFP-ին ասել է Sonoma Biotherapeutics լաբորատորիայի համահիմնադիր և գիտնականի ընկեր Ջեֆրի Բլյուսթոունը։
Ֆիզիոլոգիայի և բժշկության ոլորտի դափնեկիրների անունները հայտարարվել են հոկտեմբերի 6-ին։ Մերի Բրանկոուն, Ֆրեդ Ռամսդելը և Շիմոն Սակագուչին արժանացել են մրցանակի իրենց հայտնագործության համար, որը հնարավորություն է տալիս կանխել իմունային համակարգի կողմից օրգանիզմին վնաս հասցնելը։
Սակայն կոմիտեն չի կարողացել կապ հաստատել Ռամսդելի հետ՝ լուրը հայտնելու համար, քանի որ նա ճանապարհորդում է Այդահոյով և անցնում է «թվային դետոքսիկացիա»։
«Ես ինքս փորձեցի կապվել նրա հետ։ Կարծում եմ՝ նա ճամփորդում է Այդահոյի գյուղական վայրերով», – ասել է Բլյուսթոունը։
