Շաքիի ջրվեժում «գենդեր փարթի» իրականացնողները տուգանվել են 80 հազար դրամով

Շաքիի ջրվեժում «գենդեր փարթի» իրականացրած անձինք տուգանվել են 80 հազար դրամով․ ABC Media–ին հայտնել է Բնապահպանության և ընդերքի տեսչական մարմնի մամուլի խոսնակ Նաիրա Աղաբաբյանը։

Հիշեցնենք, որ հոկտեմբերի 5-ին Սիսիան քաղաքի բնակիչ Ա.Օ.-ն Շաքիի ջրվեժում «գենդեր փարթի» է իրականացրել՝ ջրվեժը գունավորելու նպատակով օգտագործելով սննդային հավելում համարվող գունանյութ։

Ավելի ուշ հայտնի է դարձել, որ Բնապահպանության և ընդերքի տեսչական մարմնում վարչական վարույթ է հարուցվել, Շաքիի ջրվեժը գունավորած անձը հայտնաբերվել է և վարչական պատասխանատվության ենթարկվել՝ բնության հատուկ պահպանվող տարածքի ռեժիմը խախտելու համար։