Իրանի ԱԳՆ են կանչվել եվրոպացի դեսպանները՝ երկրի գործերին ԵՄ միջամտության համար
Ի նշան Պարսից ծոցի տարածաշրջանի գործերին Եվրամիության միջամտության դեմ բողոքի՝ Իրանի ԱԳՆ են կանչվել եվրոպական երկրների դեսպաններն ու դիվանագիտական առաքելությունների ղեկավարները․ հայտնում է IRNA գործակալությունը։
Իրանի քաղաքական հարցերով փոխարտգործնախարար Մաջիդ Թախտ-Ռավանչին Պարսից ծոցում իրանական կղզիների, ինչպես նաև երկրի միջուկային և պաշտպանական ծրագրերի վերաբերյալ մեղադրանքները որակել է որպես Իրանի ներքին գործերին բացահայտ միջամտություն:
