Բելգիայում վարչապետի դեմ մահափորձի կասկածանքով ձերբակալվել է 3 երիտասարդ

Անտվերպենում ձերբակալել են երեք երիտասարդի, որոնք կասկածվում են քաղաքական գործիչների, հնարավոր է՝ վարչապետ Բարտ դը Վևերի դեմ մահափորձեր պլանավորելու համար․ հաղորդում է Belga լրատվական գործակալությունը՝ հղում անելով դատախազությանը։

 Ձերբակալվածները 18, 23 և 24 տարեկան են։ Դատախազության տվյալներով՝ նրանք պլանավորում էին «ջիհադիստական ​​գաղափարախոսությունից ոգեշնչված ահաբեկչական հարձակում»։ Նրանք ձերբակալվել են խուզարկությունների ժամանակ, որոնց ընթացքում իրավապահ մարմինների աշխատակիցները հայտնաբերել են ինքնաշեն պայթուցիկ սարք հավաքելու համար անհրաժեշտ նյութեր։ Դատախազությունը կարծում է, որ կասկածյալները պլանավորել էին պայթուցիկ սարքն ամրացնել անօդաչու թռչող սարքին։

Ձերբակալվածներից մեկն ազատ է արձակվել, իսկ մյուս երկուսը հոկտեմբերի 10-ին կկանգնեն դատավորի առաջ։