Փարիզի Աստվածամոր տաճարում նամակ են հայտնաբերել՝ հնարավոր հարձակման վերաբերյալ

Փարիզի Աստվածամոր տաճարում հարձակման վտանգի մասին նախազգուշացնող նամակ է հայտնաբերվել. հայտնում է Le Figaro-ն։

Անանուն նամակի հեղինակը պնդում է, որ հոկտեմբերի 11-ին և 12-ին տաճարում հարձակում պետք է տեղի ունենա. տպագրված նամակը հայտնաբերել են մոմերի մոտ:

«Մի՛ բացեք տաճարը հոկտեմբերի 11-ին և 12-ին: Օրերս օտարերկրացի այցելուները դանակներ են թաքցրել տաճարում. նրանք կոտորած են անելու: Խնդրում եմ, մի՛ բացեք տաճարը», – նշված է նամակում։

Չնայած ոստիկանության և հատուկ ծառայությունների ստուգումներին՝ տարհանում չի իրականացվել: