Կախարդ․ Մադուրոն՝ Նոբելյան մրցանակակիր Մաչադոյի մասին
Վենեսուելայի նախագահ Նիկոլաս Մադուրոն Նոբելյան խաղաղության մրցանակի դափնեկիր, ընդդիմության առաջնորդ Մարիա Կորինա Մաչադոյին անվանել է «դև, կախարդ»․ գրում է վենեսուելական El Universal-ը։
«Բնակչության իննսուն տոկոսը մերժում է դև-կախարդին»,-ասել է նա՝ մեկնաբանելով Մաչադոյի արտաքին միջամտության կոչերը։
Ըստ թերթի՝ Մադուրոն վերահաստատել է վենեսուելական ժողովրդի պատրաստակամությունը պաշտպանելու իր հայրենիքը նրանց ոտնձգություններից, ովքեր չեն համաձայնում արդար խաղաղության՝ արժանապատվությամբ և հավասարությամբ։
«Մենք ուզում ենք խաղաղություն, և մենք կունենանք խաղաղություն, բայց խաղաղություն՝ ազատությամբ, ինքնիշխանությամբ»,- եզրափակել է Մադուրոն։
Հիշեցնենք, որ անցյալ ուրբաթ Նոբելյան կոմիտեն Խաղաղության մրցանակը շնորհեց վենեսուելական ընդդիմության առաջնորդ Մարիա Կորինա Մաչադոյին։
