Թեհրանում՝ հայկական եկեղեցու մոտակայքում, բացվել է «Սուրբ Կույս Մարիամ» անվանումով մետրոյի նոր կայարան
Թեհրանում բացվել է «Մարիամ-է Մոքադդաս» («Սուրբ Կույս Մարիամ») անվանումով մետրոյի նոր կայարան․ գրում է Newsweek-ը։
Կայարանը զարդարված է քրիստոնեական խորհրդանիշերով և գտնվում է Իրանի մայրաքաղաքի գլխավոր հայկական եկեղեցիներից մեկի մոտակայքում։
Նոր կայարանի դիզայնը ներառում է որմնանկարներ և բարձրաքանդակներ, որոնք պատկերում են Մարիամին, Հիսուսին, ինչպես նաև ճարտարապետական տարրեր, որոնք ոգեշնչված են հայկական քրիստոնեական ժառանգությունից:
Ըստ իրանական և հայկական լրատվամիջոցների հաղորդագրությունների՝ նախաձեռնությունը համակարգվել է Թեհրանի հայ համայնքի հետ՝ որպես մայրաքաղաքի մետրոյի ընդլայնման մաս: Կառավարությունը նախագիծը ներկայացրել է որպես մշակութային տուրք՝ նվիրված հավատքների միջև միասնությանը:
