Ալիևն ասում է՝ Լաչինի միջանցքը ոչ միայն չենք բացելու, այլև շարունակելու ենք սովալլուկ անել մարդկանց․ ադրբեջանագետի մեկնաբանությունը

Երեկ China Media Group-ին տված ծավալուն հարցազրույցի ընթացքում
Ադրբեջանի նախագահը ևս մեկ անգամ շեշտել է, որ արցախահայության անվտանգությունն ու
իրավունքները կարող են ապահովվել բացառապես Ադրբեջանի Սահմանադրությանը համապատասխան:
Նա հայտարարել է նաև, որ Ադրբեջանին պետք է հանձնվեն Հայաստանի վերահսկողության ներքո
գտնվող անկլանվերը:

Ադրբեջանագետ Արամ Փոլադյանը ABC Media-ի հետ
զրույցում նշեց․ «Ալիևի խոսքերի ենթատեստը մեկն էր՝ «Դուք` հայերդ, կամ կապրեք,
ինչպես կասենք, կամ չեք ապրի», «Լաչինի միջանցքը ոչ միայն չենք բացելու, այլ շարունակելու
ենք սովալլուկ անել մարդկանց ու զինվել»:

Ադրբեջանագետն ընդգծեց՝ Ալիևի հարցազրույցին զուգահեռ Թուրքիայում
է գտնվում Զաքիր Հասանովը` ծանոթանալու ռազմատեխնիկական նոր միջոցներին։ Մինչ այդ,
Լաչինի միջանցքում էլ  շարունակում են արգելել տարբեր երկրներից ժամանած լրագրողների մուտքն Արցախ, և դա հաստատում են անգամ ադրբեջանական
լրատվամիջոցները։