Արքայազն Ուիլյամը գահը ստանձնելուց հետո մտադիր է զրկել ընտանիքին թագավորական տիտղոսներից․ The Daily Beast

Բրիտանական գահի ժառանգորդը նախատեսում է արմատապես փոխել միապետական ​​ավանդույթները գահը ստանձնելուց հետո․ գրում է The Daily Beast-ը։

Արքայազն Ուիլյամը՝ ապագա թագավոր Վիլհելմ V-ը, մտադիր է զրկել թագավորական տիտղոսներից բոլոր այն հարազատներին, որոնք չեն կատարում պաշտոնական պարտականությունները։ Քենսինգթոնի պալատին մոտ աղբյուրների համաձայն՝ որոշումը նախատեսված է որպես համակարգային բարեփոխում, որը նպատակ ունի կրճատել միապետության «աշխատող» անդամների թիվը։

Արքայադստրեր Եվգենիան և Բեատրիսը, ինչպես նաև արքայազն Հարրին և նրա երեխաները՝ Արչին և Լիլիբեթը, կզրկվեն ոչ միայն իրենց տիտղոսներից, այլև «Ձերդ թագավորական մեծություն» դիմելաձևից։

Այս ծրագրերն իրականացնելու համար ապագա միապետը պետք է հատուկ արտոնագիր տրամադրի, քանի որ գործող օրենսդրության համաձայն՝ անհնար է զրկել արքայազնին կամ արքայադստերը տիտղոսից։ Այս ծրագրի համաձայն՝ արքայազն Ուիլյամի և Քեյթ Միդլթոնի երեխաները կպահպանեն իրենց տիտղոսները մինչև այն տարիքի հասնելը, երբ նրանք կկարողանան ինքնուրույն որոշել, թե արդյոք ցանկանում են կատարել թագավորական պարտականություններ։