Ո՛չ պատերազմին, այո՛ խաղաղությանը, խնդրում եմ․ Մադուրոն անգլերեն ուղերձ է հղել Թրամփին

Վենեսուելայի նախագահ Նիկոլաս Մադուրոն Կարակասում կայացած պաշտոնական միջոցառման ժամանակ անգլերեն ուղերձ է հղել ԱՄՆ նախագահին։ Սա նրա պատասխանն էր Վենեսուելայի մոտակայքում զորավարժություններ անցկացնելու ԱՄՆ ռազմական ծրագրերի և Կարիբյան ավազանում ԱՄՆ-ի ճնշման աճի․ գրում է france24.com-ը։

«Ո՛չ պատերազմին։ Ո՛չ պատերազմին։ Ո՛չ պատերազմին։ Ո՛չ այս խելագար պատերազմին։ Այո՛ խաղաղությանը։ Խնդրում եմ։ Խնդրում եմ։ Հավերժ խաղաղություն։ Հաղթանակ։ Այո՛, խաղաղության հաղթանակ», – անգլերեն ասել է Մադուրոն։

Նրա ելույթն ընդունվել է ծափահարություններով։