Քարտեզները դադարել են լինել ԱԳ նախարարների բանակցությունների առարկա․ Արարատ Միրզոյան
«Ասում եք` փոխադարձ ճանաչել ենք տարածքային ամբողջականությունը: Բերեք ինձ օրինակ, որտեղ Ադրբեջանի նախագահ Իլհամ Ալիևը քառակուսի կիլոմետրերով ճանաչել է։ Դուք, որպես ԱԳ Նախարար, պնդե՞լ եք, որ կոնկրետ քարտեզ ֆիքսվի»,- պետբյուջեի քննարկման ժամանակ դիմելով Արարատ Միրզոյանին` հարցրեց ԱԺ «Հայաստան» խմբակցության պատգամավոր Քրիստինե Վարդանյանը։
«Քարտեզներ, այո՛, քննարկվել են, մենք հրապարակային խոսել ենք այդ մասին։ Եթե կհիշեք, 1975 թվականի քարտեզը քննարկվել է սահմանազատման գործընթացի շրջանակններում»,-ասաց նախարարը:
Նա հավելեց, որ այն պահից սկսած, երբ սահամանազատումը սկսեց «իր առանձին կյանքով ապրել» և դա արտահայտվեց կանոնակարգի համաձայնեցմամբ և վավերացմամբ, այդ պահից սկսված՝ քարտեզները դադարել են լինել արտաքին գործերի նախարարների բանակցությունների առարկա։
