Զինվոր է վիրավորվել՝ զենքի օգտագործման կանոնների խախտման հետևանքով
Հայաստանի զորամասերից մեկում զինծառայող է վիրավորվել՝ հրազենային վնասվածքով․ հայտնում է պաշտպանության նախարարության լրատվական ծառայությունը։
«Նախնական տվյալներով՝ զինծառայողը թեթև մարմնական վնասվածք է ստացել զենքի օգտագործման կանոնների խախտման հետևանքով, նրա առողջությանը և կյանքին վտանգ չի սպառնում։ Զինծառայողի բուժումը կազմակերպվել է կայազորային հոսպիտալում, և Երևանի Կենտրոնական կլինիկական զինվորական հոսպիտալ տեղափոխելու անհրաժեշտություն չի առաջացել»,- ասված է գերատեսչության տարածած հաղորդագրության մեջ։
