Ջամայկան պատրաստվում է վերջին հարյուրամյակների ամենահզոր փոթորկին

Ջամայկան պատրաստվում է այս տարվա իր ամենահզոր փոթորկին և, հնարավոր է՝ կղզու պատմության մեջ ամենաուժեղին։ Ամերիկացի օդերևութաբանները զգուշացնում են «աղետալի և մահացու» պայմանների մասին։ Երեք մարդ արդեն մահացել է։

«Մելիսա» փոթորիկը, որը 5-րդ կատեգորիայի փոթորիկ է՝ մինչև 175 մղոն/ժամ (282 կմ/ժ) արագությամբ, սպասվում է, որ երեքշաբթի առավոտյան կհասնի Կարիբյան կղզի։ Հայիթիում և Դոմինիկյան Հանրապետությունում արդեն գրանցվել է չորս մահվան դեպք՝ բացի Ջամայկայում մահացածներից։

Մասնագետները զգուշացնում են, որ փոթորկը կարող է երկարատև տեղատարափ անձրևներ առաջացնել, ինչը կմեծացնի ավերիչ ջրհեղեղների և սողանքների ռիսկը։

ԱՄՆ Ազգային փոթորիկների կենտրոնի (NHC) տվյալներով՝ «Մելիսան» 2025 թվականին գրանցված ամենահզոր փոթորիկն է, և եթե այն պահպանի իր ներկայիս ուժը, կդառնա Ջամայկա հասած ամենաուժեղը 1851 թվականից ի վեր։