Գրոզնիում Պուտինի անվան դատարան կհայտնվի

Ռուսաստանի գերագույն դատարանի լիագումար նիստն ընդունել է որոշում, որով Պետդումային կներկայացվի Գրոզնիում Պուտինի անվան շրջանային դատարան ստեղծելու մասին օրինագիծ․ հայտնում է meduza.io-ն։

Գերագույն դատարանը հայտնել է, որ Պուտինյան շրջանային դատարանի ստեղծումը «նպատակ ունի դատական ​​ծանրաբեռնվածությունը թեթևացնելու և շրջանի բնակիչների համար արդարադատությանը հասանելիությունը բարձրացնելու»։

Օրեր առաջ էլ Գրոզնիում բացվել էր ՌԴ նախագահի անունը կրող թաղամաս։ Բացման արարողությունն իրականացրել էին Չեչնիայի նախագահ Ռամզան Կադիրովը և Ռուսաստանի Դաշնության էներգետիկայի նախարար Ալեքսանդր Նովակը։ Բացումը կատարվել էր Պուտինի ծննդյան օրը՝ հոկտեմբերի 7–ին։