Վահե Աղասյանը՝ ձյուդոյի Եվրոպայի մինչեւ 23 տարեկանների առաջնության չեմպիոն

Քիշնևում մեկնարկած Մ-23 Եվրոպանի առաջնության առաջին օրը 60 կգ քաշային կարգում ԲԿՄԱ զինծառայող Վահե Աղասյանը, տանելով 5 հաղթանակ, գրավեց առաջին տեղը և նվաճեց ոսկե մեդալ․ տեղեկանում ենք Հայաստանի Ձյուդոյի ֆեդերացիայի Facebook-ի էջից։

«Առաջին գոտեմարտում Վահեն հաղթեց բուլղարացի Հրիստո Հրիստովին, այնուհետև՝ իսպանացի Լուիս Բարոսսո Լոպեսին, երրորդ գոտեմարտում՝ մոլդովացի Վլադիմիր Յակոմիին, քառորդ եզրափակչում հաղթանակ տարավ բելգիացի Օլիվիե Նաերտի նկատմամբ և եզրափակչում հաղթեց վրացի մարզիկ Մատե Գոգոբերիշվիլիին»,- նշում են ֆեդերացիայից։