Վարդան Ղուկասյանն ապօրինի է գտնվում անազատության մեջ․ պաշտպանական թիմ

Վարդան Ղուկասյանը րոպե առաջ պետք է ազատ արձակվի, եթե իրավասու մարմինները գոնե նվազագույն հարգանք ունեն օրենքի նկատմամբ, քանզի այն վարույթով, որով վերջինս կալանավորվել է, 21.10.2025 թ-ից առկա է քննիչի նոր որոշում՝ այլընտրանքային խափանման միջոցների համակցություն ընտրելու վերաբերյալ: Այս մասին հայտարարություն է տարածել Գյումրիի կալանավորված քաղաքապետ Վարդան Ղուկասյանի պաշտպանական թիմը։

«Համապատասխան միջնորդությունները իրավասու սուբյեկտներին ուղարկված են դեռ երեկվանից (մեզ հասու լինելու պահից), բայց դեռևս մնում են անարձագանք»,- ասված է հայտարարությունում: