3-ամյա Տիգրանի հորը կալանավորելու վերաբերյալ միջնորդություն է ներկայացվել դատարան․ ՔԿ

3-ամյա Տիգրանի հոր՝ Արմեն Օվանեսովի նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան․ ABC Media-ին հայտնեցին Քննչական կոմիտեից։

Ավելի վաղ ՔԿ-ն հայտնել էր, որ Ծափաթաղում անհետացած 3-ամյա երեխայի սպանության դեպքի առթիվ նախաձեռնված քրեական վարույթի նախաքննության ընթացքում կատարվել է դիակի արտաքին զննություն: Դիակի մարմնի, գլխի շրջանում հայտնաբերվել են մարմնական վնասվածքներ։

Ավելի վաղ ՆԳ նախարար Արփինե Սարգսյանը հայտնել էր, որ 3-ամյա Տիգրանին խեղդամահ անելու ճանապարհով սպանել է հայրը։