Ադրբեջանի հաղթանակը պատերազմում նոր հնարավորություններ է ստեղծել Բաքվի և Թեհրանի միջև համագործակցության զարգացման համար․ Իրանի դեսպան
Իրանի նախագահ Մասուդ Փեզեշքիանի այցերն Ադրբեջան նշանակալի արդյունքներ են տվել երկրների միջև երկկողմ հարաբերությունների ամրապնդման գործում․ հայտարարել է Ադրբեջանում Իրանի դեսպան Մոջթաբա Դեմիրչիլուն Նախիջևան այցի ժամանակ։
Դեսպանի խոսքով՝ վերջին մի քանի ամիսների ընթացքում Իրանի նախագահը երկու անգամ այցելել է Ադրբեջան։
«Այս այցելությունների և հանդիպումների արդյունքում ձեռք են բերվել շատ դրական պայմանավորվածություններ, և հարաբերություններն է՛լ ավելի են ամրապնդվել։ Այս պայմանավորվածությունները վերաբերում են ինչպես տնտեսական, այնպես էլ քաղաքական հարաբերություններին»,- ասել է նա։
Դիվանագետի խոսքով՝ Ադրբեջանի հաղթանակը պատերազմում նոր հնարավորություններ է ստեղծել Բաքվի և Թեհրանի միջև երկկողմ համագործակցության զարգացման համար։
Նա ընդգծել է, որ Նախիջևանը հատուկ տեղ է զբաղեցնում երկու երկրների հարաբերություններում։
