ԱՄՆ-ում մաքրուհուն գնդակահարել են սխալ տուն մտնելու համար

ԱՄՆ Ինդիանա նահանգում 32-ամյա մաքրուհի Մարիա Ֆլորինդա Ռիոս Պերեսը սպանվել է սխալմամբ այլ տուն մտնելու համար․ հայտնում է NBC News-ը։

«Դա այնքան անարդար է։ Նա պարզապես փորձում էր գումար վաստակել իր ընտանիքը պահելու համար։ Նա պատահաբար սխալ տուն է գնացել։ Տանտերը չպետք է խլեր նրա կյանքը», – ասել է զոհի եղբայրը՝ Ռուդի Ռիոսը։

Նա հավելել է, որ իր քույրը նույնիսկ տուն չի հասցրել մտնել, երբ նրա վրա կրակել են։ NBC News-ը հաղորդում է, որ Մարիան չորս երեխա ուներ։

Ոստիկանությունը հետաքննություն է սկսել։