Եթե երաշտը շարունակվի, Թեհրանը ստիպված կտարհանվի․ միջազգային լրահոսն՝ ամփոփ
Իրանի նախագահ Մասուդ Փեզեշքիանը զգուշացրել է Թեհրանի հնարավոր տարհանման մասին, եթե երկարատև երաշտի պատճառով առաջացած ջրային ճգնաժամը շարունակի խորանալ։
«Եթե մոտ ապագայում անձրև չգա, մենք ստիպված կլինենք Թեհրանում ջրի խիստ սահմանափակումներ մտցնել հաջորդ ամսվանից սկսած։ Իսկ եթե տեղումներ այդպես էլ չլինեն, պաշարները կսպառվեն, և մենք ստիպված կլինենք լքել քաղաքը»,- ասել է Փեզեշքիանը։
ԱՄՆ նախագահ Դոնալդ Թրամփն էլ Սպիտակ տանն ընդունել է Հունգարիայի վարչապետ Վիկտոր Օրբանին։ Թրամփը դիտարկում է Հունգարիային պատժամիջոցներից ազատելու հարցը, որոնք սահմանվել էին երկրի նկատմամբ Ռուսաստանից նավթ գնելու համար։
