ԱՄՆ սենատորները համաձայնության են եկել դադարեցնել պատմության մեջ ամենաերկար շաթդաունը
ԱՄՆ սենատորները երկկուսակցական համաձայնության են եկել՝ ԱՄՆ պատմության մեջ կառավարության ամենաերկար շաթդաունը դադարեցնելու համար, որը տևել է 40 օր․ հաղորդել է BBC-ն։
ԱՄՆ կառավարությունը մասնակիորեն փակ է մնացել մեկ ամսից ավելի՝ Կոնգրեսի կողմից պետական ծառայությունների ֆինանսավորման վերաբերյալ համաձայնության չգալու պատճառով։
Նախորդ ռեկորդը՝ 35 օր, գրանցվել է Դոնալդ Թրամփի նախագահության առաջին ժամկետի ընթացքում և ավարտվել է 2019 թվականի հունվարին։
«Կարծես թե, մենք մոտենում ենք շաթդաունի ավարտին: Դուք շատ շուտով կիմանաք», – հայտարարել է ԱՄՆ նախագահ Դոնալդ Թրամփը։
Սենատի կողմից ընդունվելուց հետո օրինագիծը պետք է հաստատվի հանրապետականների կողմից վերահսկվող Ներկայացուցիչների պալատի կողմից, ապա ստորագրվի Թրամփի կողմից՝ գործընթաց, որը կարող է տևել մի քանի օր։
